Halli Hallo :)
ich han do so e chlini gschicht erläbt und si isch no i vollem gang... und leider leider chumi uf e art nümi use... s isch e richtige tüfelschreis... und goht über 3 egge... so quasi... also ich fange mal a verzelle
vor knapp 4 mönet han i mi vo mim fründ trennt... s isch e schwirigi und närve raubendi beziehig gsi und durch die massivi ifersucht isch extrem viel kaputt gange also hanni das gange beändet... für ihn isch das relatib schwer gsi da er in mir e art die richtigi
gseh het und er het glitte wie ... ich bi grad knappi 22gi und han eigentlich immer normali
beziehige hinger mier und si si alli eigentlich immer recht lang gange ( meischt 2 johr) jo schliesslich hanni mi jo den trennt... uf jedefall het mi ex no e brueder.. und genau do foht mi problem a... bi dem brueder... ich han ihn nie sonderlich möge und ihn rächt ignoriert.
mir si den aber plötzlich durch e stupidi sach i kontakt cho und jo... hei den öfters e mail gschriebe und den irgenwenn mal d nummer tüschlet und au sms gschribe... und jo den gli mal mitanander telefoniert das mache mr ize no... und es si eifach immer endlosi gspröch... vo 2 bis 5-6 stund... und die zit vergoht immer verdammt schnäll da mir immer öpis z rede hei... so hei mir eus hald den nach felich 2 wuche mal troffe... ( ich bin den au grad ersch knapp 2 wuche vom ex trennt gsi... s het sich so quasi überschnitte aber mit hei nie öpis zäme gha... ) mir si den ime pup gsi und hei eigentlich e rächt guete obe gha... den simmer mal use wills dörte ... warm gsi isch und ich e chli an d früsch luft han welle... er isch den mit cho und jo... den simmer lang lang duse gsi hei grede... und uf einisch simmer anenag ghange und hei den dört z erschtemal öpis gha das het sich den i de letschte wuche richtig krass entwicklet und mir hei au mitanag pennt und hei eus eigentlich jedi wuche gseh... mehrmals mängisch sogar und telefoniert hei mr jede 2ti tag... und den no immer ... lang. es chunt no drzue das er e fründin het und mit dere scho rächt lang zäme isch... ich weiss es isch falsch und ich weiss i de auge filner junge fraue bini e richtig dummi chue und das isch no nätt usdruckt... aber jo ich weiss au nit... die wo das au shco erlöbt kei verstöh mi felich e chli... uf jedefall isch bi mir den vor me monet dr punkt cho wo ich han muese säge s isch nümi z gliche... ich interpretiere do viel z viel ihne... für mi ischs meh als nur sex.. meh als nur gärn ha... meh als nur der momänt
und jo... nach langem hin und her han ich ihm das den au gseit... mir hei scho süsch über das grede und jo... ich han immer gmerkt das ihn das wunder nimmt und jo... uf jedefall han ich ihm das so durch die blume gseit und er het den gseit sig hald scheisse für mi und und... den hann ich das hald probiert z ignoriere... aber den ischs eigentlich no fasch schlimmer worde und ich hans ihm klar gseit: ich wott me vo dir... ich han me gfühl... und er isch den überrumplet gsi... het den so sache gseit wie : mit dir passts eifach... es passt alles... bi dir chan ich ich si... ich chan abschlate... ich gnüsse das... und ich han dich au meh als nur gärn... du hätsch mit mim brueder eifach nit selle zäem cho... den währ alles so eifach... felich miend mr warte bis e chli grad drüber gwachse isch... so sache het er zu mir gseit der sex isch den au ganz angersch worde ab den... viel intensiver... viel angersch hald... aber ich han hald immer sini fründin im chopf gha und au ihn mal druf a gsproche und den het er gseit er wüssi das ie beziehig im arsch sig... und jo... meh het er nit gseit... jedoch isch er jetz wieder ganz andersch ... er ignoriert förmlich das wo er gseit het,,, ich weiss das er sit ich mit ihm e gschleif hannüt me mit dr fründin gha het... ich glaub ihm das... aber s isch eifach glich komisch... ich han z gfühl das er sich nit chan überwinde... ich chan mir nit vorstelle das er seit es isch öpis ume wenns nit so isch... ich find das alles so besch*** :( isch richtig doof... und ch fühl mi eifach au ganz kake drbi... ich weiss nit wora ich bi... mal so und den mal so... ich ha gseit das ich ihn felich beser nümi gse... und erhet den sgseit sig eifach schad um die ganze schöne momänt und er welli das alles nit misse... s isch eifach numme... wähh... weiss au nit :) s isch so scheisse... s isch e total ungwohnti situation für mi und es beschäftig mi dermasse dasi würklich chrank
wird... ich han extrem problem mit em mage... es ligt wie e stei im mage... was goht ab i dem mensch... ich weiss s denke wieder die einte oder angere frog en doch... DAS HANNI JA GMACHT :) aber mal so und mal so... ich verstand das er zwiefel het... aber den sell er das säge und nit mal so und den wieder angersch... will ich weiss das er i gärn het... und er mi als mensch schetzt... mir hei wirklich gueti gspröch und mir si in etwa glich beschränkt
(tönt jetz au chli komisch ich will drmit sage mir si uf dr gliche wälle lengi)er isch mr hald als mensch wichtig.. und mir hei hald e art beziehig wos eifach extrem um komunikation goht scho au ums körperliche... isch ja logisch ( au dörte harmonisiere mr perfeckt... s passt eifach voll) also liebi fraue wält... bi für jede tipp... jedi antwort... meinig oder was au immer offe... und vorallem dankbar... scheuet euch nit mir au euchi meinig z säge... bi eifach froh um jedi neutral bemerkig... lg :roll: